Quen somos
Gostamos de subir á árbore máis alta de galla en galla; sóbrannos as escaleiras, usamos o pasamáns; non evitamos os charcos, parada e tres saltos; corremos todo o día sen cansarnos; tirámonos na terra, na pedra, na area; facemos bolas de roupa ós pés da cama…
Somos movemento, somos liberdade, somos diversión…
Somos pais, queremos ver como caen e loitan por erguerse; vivir o mundo dende alí abaixo; emocionarnos con palabras sen sentido; volver a arrastrarnos, redescubrir o xogo; vivir microaventuras; medrar con eles; entender os seus medos…
Somos protección, somos tenrura, somos mimo…
Cremos que o mundo o cambian as pequenas cousas; buscamos a natureza nos nosos tecidos; producimos na nosa contorna; non queremos pesticidas nin mans escravas…
Somos ecolóxicos, somos naturais, somos responsables…
Somos racataplan.
Tecidos ecolóxicos
Tócache decidir.
Se inda non tes claras as diferenzas, neste apartado axudámoste a comprendelas.
Feito na Galiza
Deseñados e producidos no rural galego por mulleres que coidan o detalle en cada peza.
