Tecidos

Tecidos

É a vez de decidires!

Há muitas diferenças entre um tecido ecológico e um convecional. Na seguinte tabela podes ver algumhas delas. A escolha é tua!

Algodom ecológico

  • Sem transgénicos. Nunca se usam sementes modificadas
  • Livre de praguicidas, herbicidas e fertilizantes químicos de síntese
  • Usa fertilizantes ecológicos como o húmus ou o pó de rocha.
  • Menos consumo de água.
  • Utiliza corantes naturais livres de metais pesados.
  • Ao ser cultivado e tratado naturalmente, continua a conservar a sua suavidade.
  • Favorece a transpiraçom e o ventilaçom da pele.
  • É hipoalergénico: prevém alergias, dermatite… e protege a pel de agentes externos.
  • Há um pleno respeito polas condiçons laborais dos produtores.

Algodom industrial

  • 70% das sementes som modificadas geneticamente.
    Utiliza mais de 10 % dos praguicidas e de 25 % dos inseticidas mundiais.
  • Usa fertilizantes sintéticos.
  • Precisa de umha intensa irrigaçom, com o conseguinte consumo excessivo de água.
  • No processo de coloraçom utilizam-se metais como o cobre e o zinco, muito poluentes para o meio e prejudiciais para a saúde.
  • Pola incorporaçom ao
    processo de todas essas substáncias daninhas, o algodom perde a sua suavidade.
  • Todos os metais tóxicos e o resto de substáncias utilizadas podem fazer com que a pele se irrite, provocando dermatites, alergias, síndrome química múltipla…
  • A miúdo gera emprego precário e favorece a explotaçom laboral, tanto nos nenos como nos adultos.

Certificado GOTS

Todas as nosas prendas estam fabricadas com tecidos com certificado GOTS

Global Organic Textile  Standard (GOTS), ou padrom mundial da produçom têxtil orgánica, é o primeiro certificado internacional que exige estritos padrons orgánicos e sociais ao longo de toda a cadeia de produçom têxtil.
GOTS fai acompanhamentos in situ, colhendo-se amostras que depois som analisadas no laboratório para determinar que nom se usam praguicidas, fertilizantes químicos, produtos químicos inaceitáveis…
Os tecidos devem cumprir uns padrons de qualidade (encolhimento, solidez, fricçom…). Os 95 % das fibras dos têxteis devem ser orgánicas certificadas.

Além do produto, GOTS também exerce controlo sobre as condiçons laborais (higiene, iluminaçom, ventilaçom…), as condiçons humanas (nom trabalho infantil, salário digno, direito a sindicar-se…) e os custos ambientais (controlo da água usada, controlo de águas residuais…).
No videoclipe a seguir, explica-se o que é o GOTS, e esclarece-se que usar fibras orgánicas por si só nom é suficiente, antes deve considerar-se toda a cadeia de fornecimento.